दौंड तालुका प्रतिनिधी -कानिफनाथ मांडगे
दौंड -अनिल ताडगे यांच्या कार्यांची दखल घेऊन त्यांना जिवन गौरव पुरस्कार देऊन सन्मानित करण्यात आले.
काव्य मित्र संस्था व अपेक्षा मासिक परिवार पुणे आयोजित दुसरी राज्यस्तरीय काव्यविश्व साहित्य संमेलन 2026 नुकतेच पुणे येथील श्रमिक पत्रकार भवन गांजवे चौक नवी पेठ येथे पार पडले..
सकाळी साडेनऊ ते सायंकाळी पाच वाजेपर्यंत एकूण आठ सत्रात झाले.. पहिल्या सत्रात स्वागत अल्पोपार, दुसऱ्या सत्रात उद्घाटन प्रास्ताविक स्मरणिका प्रकाशन झाले. तिसऱ्या सत्रात निमंत्रणाचे कवी संमेलन झाले. दुपारी चौथ्या सत्रात स्नेहभोजन झाले. पाचव्या सत्रात मराठी काव्य विश्वातील संत साहित्याचे महत्त्व हा परिसंवाद अध्यक्ष डॉक्टर लता पाडेकर, डॉक्टर पांडुरंग व श्री संजय पठाडे कुमारी साक्षी सगर यांनी भाग घेतला.. सातव्या सत्रात निमंत्रिकाचे हास्य कवी संमेलन झाले अध्यक्ष ज्येष्ठ कवी बंडा जोशी होते .
आठव्या सत्रात त जीवनगौरव पुरस्कार, साहित्य गौरव पुरस्कार प्रदान करण्यात आले. यामध्ये अखिल भारतीय मराठा महासंघाचे प्रदेश उपाध्यक्ष व स्वर्गीय रखमाबाई ताडगे प्रतिष्ठानचे संस्थापक अनिल ताडगे यांना त्यांच्या सामाजिक कार्याबद्दल जीवन गौरव पुरस्कार ज्येष्ठ कवी बंडा जोशी व प्रसिद्ध निवेदिका मायाप्रभुणे यांच्या शुभहस्ते प्रदान करण्यात आला.
अनिल ताडगे यांनी स्वर्गीय रखमाबाई ताडगे प्रतिष्ठानच्या माध्यमातून. अनेक वेगवेगळे उपक्रम राबवले यामध्ये आरोग्य शिबीर रक्तदान शिबिर दरवर्षी मोफत दिनदर्शिका वाटप अंध अपंग व अनाथ मुलांना खाऊ वाटप, ससून हॉस्पिटल मधील डेड हाऊस मधील कर्मचाऱ्यांचा सत्कार, मोफत नेत्र शिबिर अशा अनेक उपक्रम राबवले आहेत..
आतापर्यंत त्यांना एकूण आठ पुरस्कार मिळाले आहेत.. त्यांच्या कार्याची दखल घेऊन वरील संस्थेने त्यांना जीवन गौरव पुरस्कार साठी निवड केली.. यावेळी वेगवेगळ्या क्षेत्रातील काम करणाऱ्या व अनेक कवी, लेखक ,महिला व पुरुष यांना गौरवण्यात आले.. संमेलन अध्यक्ष माननीय चंद्रकांत शहासने, स्वागत अध्यक्ष, स्वागत अध्यक्ष डॉक्टर संजय जगताप, उद्घाटक माननीय प्रमोद कुमार बेलसरे उद्योगपती उपस्थित होते.. कार्यक्रमाचे मुख्य संयोजक श्री राजेंद्र सगर अध्यक्ष काव्य मित्र संस्था व श्री दत्तात्रय उभे संस्थापक संपादक अपेक्षा मासिक परिवार यांनी अतिशय उत्कृष्ट पद्धतीने केले..
