स्वामी समर्थ महाराजांच्या प्रकट दिनानिमित्त मिरजेतील स्वामी समर्थ मंदिरात विविध कार्यक्रमांचे आयोजन

अक्कलकोट निवासी अंनत कोटी ब्रह्मांड नायक अशी उपाधी असणारे श्री दत्तात्रयाचे अवतार मानले जाणारे स्वामी समर्थ महाराजांचा प्रकट दिन येत्या 20 मार्च रोजी मिरजेतील प्रभाग क्र 3 मधील पूर्व म्हाडा कॉलनी येथील मंदिरामध्ये साजरा होणार असल्याची माहिती मंदिरातील जेष्ठ सेवेकरी आणी मार्गदर्शक रवींद्र कबाडे गुरुजी यांनी आमच्या प्रतिनिधी शी बोलताना दिली ते म्हणाले हे मंदिर अनेक स्वामी भक्तांच्या भक्ती भावातून 17वर्षांपूर्वी उभे राहिले असून संपूर्ण मिरज तालुक्यामध्ये आपले हे मंदिर एकमेव आहे बाकी मिरजेतील आणी विश्रामबाग येथे दिंडोरी प्रणित स्वामी महाराजांची सेवा केंद्रे आहेत हे मंदिर मिरज पूर्व म्हाडा कॉलनी येथील शासकीय भूखंडावर उभे असून महापालिकेच्या सहकार्याने मंदिरातील सर्व व्यवस्था सुरळीत सुरु आहे. येणाऱ्या 20 मार्च रोजी सालाबाद प्रमाणे पहाटे 5 ते 7 वाजेपर्यंत श्रींच्या मूर्तीस अभिषेक होईल त्यानंतर सकाळी 9 वाजता नित्या आरती होईल आरती झाल्यावर श्रींची संवाद्य मिरवणूक निघेल ती या भागातील विविध मार्गांवरून काढण्यात येईल 12.30 पर्यंत मिरवणूकीची सांगता मंदिरामध्ये होईल त्यानंतर आरती आणी महाप्रसादाचे आयोजन केले आहे. हा महाप्रसाद दुपारी 4वाजेपर्यत आहे त्यानंतर सायंकाळ ची आरती होईल आणी रात्रौ 8 वाजता भजनाच्या कार्यक्रमाने प्रकट दिन सोहळ्याची सांगता होईल पूर्व म्हाडा कॉलोनी तसेच परिसरातील भक्त मंडळींकडून या सर्व कार्यक्रमांचे आयोजन केले गेले असल्याचें त्यांनी सांगितले तसेच यावेळचा प्रकट दिन सर्व भक्त मंडळींसाठी खास असल्याचे त्यांनी सांगितले मंदिरामध्ये आता कायम स्वरूपी पाण्याची सोय झाली असून मनपा च्या कुपनलिकेवर भक्त मंडळींकडून सबमरसीबल पंप बसवण्यात आला आहे आणि तो आता कार्यरत झाला आहे त्याचप्रमाणे श्रींच्या गाभाऱ्यामध्ये चांगल्या प्रतीची आणि टिकाऊ मजबूत असे फरशी काम पूर्ण झाले आहे दि 20 रोजी होणाऱ्या प्रकट दिनाच्या सोहळ्या साठी सांगली गणपती संस्थान चें युवराज आदित्यराजे विजयसिंहराजे पटवर्धन यांच्या सह मुख्य व्यवस्थापक जयदीप अभ्यंकर हे श्री स्वामी समर्थ्यांच्या दर्शनासाठी सकाळी 9वाजता उपस्थित राहाणार असल्याचे त्यांनी यावेळी सांगितले. मिरज आणि पंचक्रोशीतील नागरिकांनी दि 20 मार्च रोजी पूर्व म्हाडा कॉलोनी येथील श्री स्वामी समर्थ मंदिरात होणाऱ्या कार्यक्रमांचा आणि दुपारी होणाऱ्या महाप्रसादाचा लाभ घ्यावा असे आवाहनही श्री रवींद्र कबाडे यांनी यावेळी केले.