जत / प्रतिनिधी :-जत शहरातून जाणाऱ्या चडचण – ईश्वरपूर या राष्ट्रीय महामार्गावरील छत्रपती संभाजी महाराज चौक ते पोलीस लाईन हा रस्ता मोठ मोठे खड्डे पडल्याने ठिकठिकाणी खराब झाला असून वाहन चालकांना वाहणे चालवीताना तारेवरची कसरत करावी लागत आहे. तसेच वाहणे खड्ड्यात घसरून अपघातही होत आहेत
त्यामुळे आ. श्री. गोपीचंद पडळकर यांनी या रस्त्याचे डांबरीकरण कामास निधी उपलब्ध करून द्यावा अशी मागणी नगरसेवक श्री. विकास माने यानी माध्यमासी बोलताना केली. विकास माने म्हणाले छत्रपती संभाजीमहाराज चौक ते पोलीस लाईन येथपर्यंत या पूर्वी एक किलोमीटर अंतराचे रस्त्याचे डांबरीकरणाचे काम करण्यात आले असलेतरी या रस्त्यावरून जा ये करणाऱ्या अवजड वाहणाचा विचार केला तर हे झालेले काम निकृष्ट व दर्जाहीन असे झाले आहे.
या निकृष्ट कामामुळे छत्रपती शिवाजी महाराज चौकाजवळील होंडा शोरूम, स्मिता फोटो समोर, माजी सरपंच कै. उदयसिंह संकपाळ यांच्या घराजवळ, छत्रपती संभाजी महाराज चौकाजवळ व ठिकठिकाणी रस्त्यावर मोठ मोठे खड्डे पडले असून यामुळे वाहनचालक त्रस्त झाले असून या खड्ड्यामुळे अपघाताची शक्यताही निर्माण झाली आहे.
महाविद्यालय, न्यायालय, एम . एस. इ. बी.पोलीस ठाणे, सार्वजनिक बांधकाम विभाग,शासकीय तंत्र निकेतन, पंचायत समिती, उपविभागीय अधिकारी, तहसीलदार कार्यालय, ग्रामीण रुग्णालय, महिला वसतिगृह, प्राथमिक शाळा व हायस्कूल हे सर्व या मार्गांवरच असल्यामुळे या रस्त्यावर नेहमी मोठी वर्दळ दिसून येते. हा रस्ता खड्डे पडल्यामुळे खराब झाल्यामुळे या रस्त्यावरून जा ये करताना वाहनचालकांना तारेवरची कसरत करावी लागत असून खड्ड्यामुळे अपघातही होत आहेत.अनेक संघटनानी या रस्ता दुरुस्तीकामासाठी आंदोलनेही केली आहेत.
आ. गोपीचंद पडळकर यांनी जत शहरातून जाणाऱ्या या रस्त्याचे डांबरीकरण कामास मोठा आर्थिक निधी मंजूर करून या रस्त्याचे डांबरीकरणाचे काम करून वाहनचालकांना न्याय द्यावा त्याचप्रमाणे छत्रपती शिवाजी महाराज चौकात असलेले एस. टी. पीकप शेडचीही मोठी दुर्दशा झाली असल्याने या ठिकाणी नवीन सर्वसोयीनेयुक्त असे पीकप शेड मंजूर करावे असेही माने म्हणाले.
