आजरा (प्रतिनिधी):
गुढीपाडव्याच्या मुहूर्तावर गुंतवणूक करण्याकडे कल असलेल्या नागरिकांनी ‘जनता सहकारी गृहतारण संस्था मर्यादित, आजरा’ या संस्थेवर मोठा विश्वास दर्शविला आहे. या एकाच दिवशी संस्थेच्या सातही शाखांतून तब्बल १ कोटी ३५ लाख ९१ हजार रुपयांच्या ठेवी जमा झाल्याची माहिती संस्थेचे अध्यक्ष श्री. मारुती मोरे यांनी दिली.
या संकलनामध्ये आजरा मुख्य शाखेसह कोल्हापूर, सांगली, इचलकरंजी, गडहिंग्लज, गारगोटी आणि पाटणे फाटा (ता. चंदगड) या शाखांनी मोलाची कामगिरी बजावली आहे.
कामाची पावती:
हे यश साध्य करण्यासाठी संस्थेचे संचालक मंडळ, मुख्य कार्यालय अधिकारी, सर्व शाखांचे शाखाधिकारी आणि कर्मचारी यांनी विशेष परिश्रम घेतले. “ग्राहकांचा वाढता विश्वास हीच आमची खरी शिदोरी आहे,” अशा शब्दांत चेअरमन श्री. मोरे यांनी आपल्या भावना व्यक्त केल्या.
