मळद (ता. दौंड) / प्रतिनिधी :
गावाचे ग्रामदैवत असलेल्या भैरवनाथ खोरी देवस्थानाच्या जीर्णोद्धारासाठी यंदाच्या यात्रा उत्सवातून भव्य सुरुवात करण्यात आली आहे. दर्शन घेऊन ५१ हजार रुपयांची पहिली वर्गणी जाहीर करत यात्रा कमिटीचे अध्यक्ष श्री. किशोर नवले यांनी या लोककार्याची मुहूर्तमेढ रोवली.
देवस्थान परिसराचे सुशोभीकरण आणि जीर्णोद्धार करण्यासाठी जागेची कमतरता भासत होती. यावर उपाय म्हणून अध्यक्ष किशोर नवले यांनी कपिला कृषी फार्मचे सर्वेसर्वा श्री. राहुलजी ढोले पाटील यांच्याशी चर्चा केली. देवस्थानाच्या विकासासाठी १० गुंठे जागा देण्याची विनंती त्यांनी केली असता, राहुलजी ढोले पाटील यांनी ती तत्काळ मान्य केली. तसेच मंदिराच्या जीर्णोद्धारासाठी सर्वतोपरी सहकार्य करण्याचे आश्वासनही त्यांनी दिले.
या शुभप्रसंगी गावातील मान्यवर आणि यात्रा कमिटीचे सदस्य मोठ्या संख्येने उपस्थित होते. यामध्ये अध्यक्ष श्री. किशोर नवले, विद्यमान उपसरपंच डॉ. दत्तात्रय शेलार, यात्रा कमिटी सदस्य श्री. दत्तात्रय शेलार, श्री. नितीन दुधे, श्री. अतुल जाधव, श्री. नवनाथ दुधे, श्री. अजय म्हेत्रे, श्री. बापू नवले, श्री. चंद्रकांत जाधव आदींचा समावेश होता.
देवस्थान परिसराची साफसफाई करून सुशोभीकरण करण्यात येणार असून भाविकांसाठी अधिक सोयी-सुविधा उपलब्ध करून देण्याचा मानस व्यक्त करण्यात आला. राहुलजी ढोले पाटील यांनी दिलेल्या १० गुंठे जागेमुळे मंदिर परिसराचा विस्तार होऊन भाविकांना मोठा दिलासा मिळणार आहे.
येत्या काही दिवसांतच प्रत्यक्ष कामाला सुरुवात होणार असून, या उपक्रमामुळे भैरवनाथ खोरी देवस्थानाचा चेहरामोहरा पूर्णतः बदलणार असल्याची भावना ग्रामस्थांनी व्यक्त केली आहे.
