खुडूस प्रतिनिधी : चंद्रकांत गायकवाड | दि. २५ मार्च २०२६ :
खुडूस येथे बी.आर. प्रतिष्ठानच्या वतीने आयोजित ‘खासदार चषक 2026’ स्पर्धेचा उद्घाटन समारंभ मोठ्या उत्साहात पार पडला. पंचक्रोशीतील क्रीडाप्रेमी आणि नागरिकांच्या उपस्थितीत कार्यक्रमाला उत्सवी स्वरूप प्राप्त झाले.
या उद्घाटन सोहळ्यास माळशिरस पंचायत समितीचे सभापती दत्ता भैय्या मगर, जिल्हा परिषद सदस्य मच्छिंद्र आबा ठवरे पाटील, युवा नेते जीवन भैय्या जानकर, खासदार धैर्यशील मोहिते पाटील यांच्या कन्या इशिता (ताई) मोहिते पाटील, जिल्हा परिषद सदस्य मिलिंद सरतापे, विकास दादा धाईंजे, ज्ञानदेव कांबळे पाटील, समीर भैय्या काझी, प्रेमसिंह कांबळे पाटील, रविराज बनसोड यांसह विविध क्षेत्रातील मान्यवर उपस्थित होते.
या स्पर्धेमुळे ग्रामीण भागातील खेळाडूंना आपली क्रीडा कौशल्ये सादर करण्यासाठी व्यासपीठ उपलब्ध होत असून, तरुणांमध्ये क्रीडाप्रेम आणि स्पर्धात्मकता वाढीस लागणार असल्याचे मत उपस्थित मान्यवरांनी व्यक्त केले.
कार्यक्रमास राजकीय, शैक्षणिक, सामाजिक, कला, क्रीडा व सांस्कृतिक क्षेत्रातील अनेक मान्यवरांनी उपस्थिती लावून स्पर्धकांना शुभेच्छा दिल्या. उद्घाटन सोहळा उत्साहपूर्ण वातावरणात पार पडला.
