उदगीर प्रतिनिधी : जिल्हा परिषद निवडणुकीत बहुमताने विजय मिळवल्याबद्दल भारतीय जनता पक्षाचे गटनेते तथा वाढवणा जिल्हा परिषद गटाचे सदस्य रामभाऊ तिरुके यांचा उदगीर नगरपरिषदेच्या वतीने सत्कार करण्यात आला.
या प्रसंगी नगराध्यक्षा सौ. स्वाती सचिन हुडे यांच्या हस्ते मान्यवरांच्या उपस्थितीत तिरुके यांचा सत्कार करण्यात आला. यावेळी उपस्थित मान्यवरांनी त्यांच्या कार्याचे कौतुक करून पुढील वाटचालीस शुभेच्छा दिल्या.
सत्काराला उत्तर देताना रामभाऊ तिरुके भावनिक झाले. “उदगीर नगरपरिषदेच्या वतीने माझा सन्मान होणे ही माझ्यासाठी आणि माझ्या पक्षासाठी अभिमानाची बाब आहे. पुढील काळात जनतेच्या सेवेसाठी अधिक जबाबदारीने कार्य करण्याचा प्रयत्न करीन,” असे त्यांनी सांगितले.
कार्यक्रमास प्रसिद्ध उद्योजक सचिन हुडे, एमआयएमचे नेते तथा नगरसेवक ताहेरभाई हुसेन, राजकुमार भालेराव, राजकुमार हुडगे, हसन चाऊस, शिवलिंगप्पा जळकोटे यांच्यासह इतर मान्यवर उपस्थित होते.
कार्यक्रम शेवटी रामभाऊ तिरुके यांनी नगरपरिषद व उपस्थित सर्व मान्यवरांचे आभार मानले.
