जोतिबा यात्रा गुरुवारपासून सुरू; सपकळवाडीत भक्तिमय वातावरण

इंदापूर (प्रतिनिधी) : सपकळवाडी येथे प्रसिद्ध Jyotiba देवाची यात्रा गुरुवार, दि. २/३/२०२६ पासून मोठ्या उत्साहात सुरू होत आहे. पंचक्रोशीत नवसाला पावणारा देव म्हणून ओळख असलेल्या या देवस्थानात दरवर्षी हजारो भाविक श्रद्धेने दर्शनासाठी उपस्थित राहतात.

यात्रेनिमित्त विविध धार्मिक व सांस्कृतिक कार्यक्रमांचे आयोजन करण्यात आले आहे. गुरुवारी पहाटे ५ वाजता अभिषेक, सकाळी ६ वाजता हनुमान जन्मोत्सव, सकाळी ९ वाजता कोल्हापूर-रत्नागिरी येथून शासन काठीचे आगमन, त्यानंतर नैवेद्य अर्पण करण्यात येणार आहे. सायंकाळी देवाचा गोंधळ तर रात्री ८ वाजता छबीना आणि मध्यरात्री १२ वाजता आरती होणार आहे.

शुक्रवारी दुपारी कुस्त्यांचे जंगी मैदान आयोजित करण्यात आले असून, रात्री ९ वाजता ‘फुलवंती’ ऑर्केस्ट्राचा कार्यक्रम होणार आहे. शनिवारी मंदिरात सामुदायिक आंबील महाप्रसादाचे आयोजन करण्यात आले असून, रात्री ‘मायबोली महाराष्ट्राची’ ऑर्केस्ट्रा सादर होणार आहे.

जोतिबा यात्रा कमिटी, सपकळवाडी यांच्या वतीने यात्रेचे नियोजन करण्यात आले असून, भाविकांनी मोठ्या संख्येने सहभागी होण्याचे आवाहन करण्यात आले आहे.