सेलू (प्रतिनिधी – शंकर पानबुडे) :
देशाच्या राष्ट्रपती द्रौपदी मुर्मू या १६ एप्रिल रोजी वर्धा येथे दौऱ्यावर येणार असून त्या महात्मा गांधी आंतरराष्ट्रीय हिंदी विश्वविद्यालयाच्या दीक्षांत समारंभाला प्रमुख पाहुण्या म्हणून उपस्थित राहणार आहेत.
या सोहळ्यात विद्यार्थ्यांना मान्यवरांच्या हस्ते पदवी प्रदान करून सन्मानित करण्यात येणार आहे.
मान्यवरांची उपस्थिती :
- मुख्यमंत्री देवेंद्र फडणवीस
- केंद्रीय मंत्री नितीन गडकरी
- राज्यपाल जिष्णू देव वर्मा
सेवाग्राम आश्रम भेटीची शक्यता :
राष्ट्रपती मुर्मू या दौऱ्यात सेवाग्राम आश्रमालाही भेट देण्याची शक्यता व्यक्त केली जात आहे.
सुरक्षा यंत्रणा सज्ज :
व्हीव्हीआयपी दौऱ्याच्या पार्श्वभूमीवर संपूर्ण वर्धा जिल्ह्यात प्रशासन व पोलीस यंत्रणा सज्ज झाली असून कडक सुरक्षा व्यवस्था ठेवण्यात येत आहे.
या दौऱ्यामुळे वर्धा जिल्ह्याचे महत्त्व पुन्हा अधोरेखित होणार असून कार्यक्रमाची तयारी अंतिम टप्प्यात आहे.
