आंबेगाव (पुणे) : प्रतिनिधी
आंबेगाव तालुक्यातील मापोली येथे श्री हनुमान जन्मोत्सवाचे औचित्य साधून समस्त ग्रामस्थांच्या वतीने भव्य ‘अखंड हरिनाम सप्ताह’ सोहळ्याचे आयोजन करण्यात आले आहे. बुधवार, दि. १ एप्रिल ते शुक्रवार, दि. ३ एप्रिल २०२६ या कालावधीत हा भक्तिमय सोहळा पार पडणार असून, यंदा या उपक्रमाचे १० वे वर्ष आहे.
या सप्ताहामध्ये दररोज पहाटे काकडा भजन, हरिपाठ, प्रवचन तसेच रात्री हरिजागर आणि कीर्तन असे विविध धार्मिक कार्यक्रम आयोजित करण्यात आले आहेत. त्यामुळे परिसरातील भाविकांसाठी हा सोहळा मोठी आध्यात्मिक पर्वणी ठरणार आहे.
कार्यक्रमांची रूपरेषा :
दि. १ एप्रिल (बुधवार) : सकाळी विधीपूजन, सायंकाळी प्रवचन व रात्री कीर्तन
दि. २ एप्रिल (गुरुवार) : पहाटे काकडा भजन व देव जन्म सोहळा, सायंकाळी प्रवचन, रात्री कीर्तन
दि. ३ एप्रिल (शुक्रवार) : ह.भ.प. भास्कर महाराज जगदाळे यांच्या काल्याच्या कीर्तनाने सप्ताहाची सांगता होणार असून, दुपारी १२ वाजता महाप्रसादाचे वाटप करण्यात येणार आहे.
या सप्ताहात भाविकांनी मोठ्या संख्येने सहभागी व्हावे, असे आवाहन ह.भ.प. अनंता महाराज लोहकरे यांनी केले आहे.
