जळक | प्रतिनिधी :
जळक येथील रहिवासी सुर्मकला जयसिंग वाघमारे यांची महाराष्ट्र पोलीस दलात कॉन्स्टेबल पदावर निवड झाल्याने परिसरात आनंदाचे वातावरण निर्माण झाले आहे. अत्यंत प्रतिकूल परिस्थितीतून त्यांनी हे यश संपादन केले आहे.
सुर्मकला यांच्या वडिलांचे काही वर्षांपूर्वी निधन झाले होते. त्यानंतर आईने कष्ट करून शेती करत मुलांना शिक्षण दिले. आईच्या अथक परिश्रमामुळे सुर्मकला यांनी उच्च शिक्षण पूर्ण करून पोलीस दलात स्थान मिळवले.
त्यांच्या या यशामुळे गावात सर्वत्र कौतुकाचा वर्षाव होत असून, आईच्या संघर्षाचेही विशेष कौतुक केले जात आहे.
या यशाबद्दल सरपंच सत्यान दळवे पाटील, ग्रामपंचायत सदस्य तसेच ग्रामस्थांनी सुर्मकला वाघमारे यांचे अभिनंदन केले.
