प्रथम व द्वितीय वर्षातील यशस्वी विद्यार्थ्यांचा गौरव; मान्यवरांचे मार्गदर्शन
खेड : प्रतिनिधी – कुणबी शिक्षण प्रसारक संस्था, खेड मुंबई संचलित कृषी तंत्र विद्यालय, सुकिवली येथे प्रथम वर्षात प्रवेश घेतलेल्या विद्यार्थ्यांचा स्वागत समारंभ तसेच परीक्षेत यश मिळविलेल्या विद्यार्थ्यांचा सत्कार समारंभ रविवार, दि. ४ ऑक्टोबर २०२६ रोजी उत्साहात पार पडला. कार्यक्रमाच्या अध्यक्षस्थानी संस्थेचे अध्यक्ष ॲड. तु. ल. डफळे होते.
यावेळी प्रथम वर्षाच्या परीक्षेत यश मिळविलेल्या स्वरा तळेकर, देवता हटकर व मालती खाडे तसेच द्वितीय वर्षातील चिंजघरकर व भाटकर यांचा मान्यवरांच्या हस्ते सत्कार करण्यात आला. नवागत विद्यार्थ्यांमध्ये बाळकृष्ण पानवलकर, संघमित्रा पवार तसेच द्वितीय वर्षातील देवता हटकर यांनी मनोगत व्यक्त केले.
कार्यक्रमास संस्थेचे सचिव सुधीरजी वैराग, खजिनदार रा. पा. बैकर, सहसचिव द. भि. धुमक, माजी अध्यक्ष भि. म. गोवळकर, संचालक मंडळाचे सदस्य, संस्थेचे सभासद तसेच विविध महाविद्यालयांचे प्राचार्य, प्राध्यापक व कर्मचारी उपस्थित होते.
प्रमुख पाहुणे आग्रे गुरुजी, संस्थेचे सहसचिव द. भि. धुमक, सचिव सुधीरजी वैराग तसेच अध्यक्ष ॲड. तु. ल. डफळे यांनी विद्यार्थ्यांना मार्गदर्शन करून त्यांच्या उज्ज्वल भविष्यासाठी शुभेच्छा दिल्या. कार्यक्रमाची सांगता उत्साहपूर्ण वातावरणात झाली.
