श्रीकृष्ण चक्रवर्ती ज्ञानोपासक मंडळ एरंडोल, रजि. नं. ई ५७९ जळगाव, यांची वार्षिक सर्वसाधारण सभा शुक्रवार दि.३ एप्रिल २०२६ रोजी संस्थेचे मुख्य विश्वस्त महंत श्री.जिंतूरकर शास्त्री बाबाजी, भुसावळ यांच्या अध्यक्षतेखाली संपन्न झाली. यावेळी संस्थेच्या मृत संचालकांना श्रद्धांजली अर्पण करण्यात आली. यानंतर मुख्य विश्वस्तांच्या सूचनेनुसार सन २०२६ ते २०३१ या कार्यकाळासाठी नूतन विश्वस्त संचालक मंडळाची निवड करण्यात आली. यामध्ये संस्थेच्या अध्यक्षपदी- श्री.अतुल देविदास महाजन, उपाध्यक्षपदी- डॉ.श्री.प्रेमराज गंगाधर पळशीकर, सचिव पदी- श्री.किशोर भिका महाजन यांची सर्वानुमते बिनविरोध निवड करण्यात आली. त्याचप्रमाणे वरील कार्यकाळासाठी संस्थेचे नूतन कार्यकारणी सदस्यांची देखील निवड करण्यात आली. सर्व नवनियुक्त पदाधिकाऱ्यांचे मुख्य विश्वस्त महंत श्री.जिंतूरकर शास्त्री बाबाजी यांनी आशीर्वाद देऊन अभिनंदन केले.
