पनवेल प्रतिनिधी:-
खालापूर तालुक्यातील महड येथील निर्जन ठिकाणी असलेल्या फार्म हाऊस येथे ही घटना घडली. मुंबई सांताक्रूझ येथील पीडित महिला पतीच्या प्रेयसी बाबत उपाय करण्यासाठी भोंदूबाबाकडे गेली होती. यावेळी भोंदूबाबाने मध्यरात्रीच्या वेळी अघोरी पुजाविधी केली. यामध्ये महिलेच्या गुप्तांगातील द्रव काढून तो दोऱ्याला लावून तो दोरा जाळला. तसेच शारिरीक संबंध करीत अत्याचार केला. असे पीडित महिलेने तक्रारीत म्हटले आहे.
दरम्यान, अब्दुल रशीद उर्फ बाबाजान रा. कळंबोली, नवीमुंबई असे आरोपी भोंदूबाबाचे नाव आहे. महड येथे त्या पिडीत महिलेला एका मध्यरात्रीत जादूटोणाचे काही उपचार करतो सांगून घराबाहेरील जागेत काही वस्तू पुरल्या. त्यानंतर भोंदू बाबाने काळी जादू करण्याच्या बहाण्याने महिलेवर लैंगिक अत्याचार केला. त्यानंतर उपचार झाले नाही, ही बाब सदर महिलेला लक्षात आल्यावर तिने खालापूर पोलिसात गुन्हा दाखल केला.
सदर प्रकरणी पोलिसांनी कळंबोली येथील सदर भोंदू बाबा यांस अटक करून खालापूर कोर्टात दाखल केले. खालापूर पोलिसांकडून याबाबत अधिक तपास सुरु आहे.
