एरंडोल (प्रतिनिधी) – डॉ. बाबासाहेब आंबेडकर यांच्या जयंतीनिमित्त एरंडोल येथे काढण्यात आलेल्या भव्य मिरवणुकीत सामाजिक कार्यकर्ते तथा आरोग्य दूत विक्की खोकरे यांच्या वतीने थंडगार शीतपेय (शरबत) वाटपाचा स्तुत्य उपक्रम राबविण्यात आला.
महाराष्ट्र शासनाचा डॉ. बाबासाहेब आंबेडकर समाज भूषण पुरस्कार प्राप्त फकिराजी खोकरे यांच्या मार्गदर्शनाखाली हा उपक्रम पार पडला. सध्या राज्यात तीव्र उष्णतेची लाट सुरू असताना, मिरवणुकीत सहभागी झालेल्या वयोवृद्ध महिला आणि भीमसैनिकांना या शीतपेय वाटपाचा मोठा दिलासा मिळाला. अनेकांनी मनसोक्त शरबताचा लाभ घेत समाधान व्यक्त केले.
“योग्य वेळी केलेले हे कार्य कौतुकास्पद आहे,” अशा भावना उपस्थित भीमसैनिकांनी व्यक्त केल्या. या उपक्रमामुळे सामाजिक बांधिलकीचा आदर्श घालून दिल्याचेही मत व्यक्त होत आहे.
या प्रसंगी समाज भूषण फकिरा खोकरे, सहाय्यक पोलिस निरीक्षक शंकर पवार, माजी उपनगराध्यक्ष शालिग्राम गायकवाड, उत्सव जयंती अध्यक्ष लखन बनसोडे, डॉ. अतुल सोनवणे, प्रशांत सोनवणे, रविंद्र चौधरी तसेच पोलिस बांधव उपस्थित होते. कार्यक्रमाच्या यशस्वीतेसाठी दुर्गेश खोकरे, भैय्या घोडेस्वार, रितीक खोकरे, जितू बोढरे, निखिल खोकरे, सोनू खोकरे, दैविक खोकरे आदींनी परिश्रम घेतले.
विक्की खोकरे यांच्या या उपक्रमाचे शहरभरातून कौतुक होत असून, सामाजिक कार्यात त्यांचा सहभाग प्रेरणादायी असल्याचे मत नागरिकांतून व्यक्त होत आहे.
