आजरा (प्रतिनिधी) – आजरा तालुका शेतकरी सहकारी खरेदी-विक्री संघाच्या अध्यक्ष व उपाध्यक्ष निवडीची प्रक्रिया उत्साहात पार पडली. यामध्ये अध्यक्षपदी महादेव जोतिबा हेब्बाळकर, तर उपाध्यक्षपदी संभाजी मारुती तांबेकर यांची बिनविरोध निवड करण्यात आली.
ही निवड प्रक्रिया सहाय्यक निबंधक सुजय कुमार यांच्या अध्यक्षतेखाली पार पडली. अध्यक्षपदासाठी महादेव हेब्बाळकर यांचे नाव माजी अध्यक्ष महादेव दत्तात्रय पाटील यांनी सुचवले, तर विठ्ठलराव रामराव देसाई यांनी त्यास अनुमोदन दिले. उपाध्यक्षपदासाठी संभाजी तांबेकर यांचे नाव दौलती अंतू पाटील यांनी सुचवले असून मधुकर कृष्णा देसाई यांनी त्यास अनुमोदन दिले. दोन्ही पदांसाठी एकमेव अर्ज आल्याने निवड बिनविरोध जाहीर करण्यात आली.
निवडीनंतर बोलताना नूतन अध्यक्ष महादेव हेब्बाळकर व उपाध्यक्ष संभाजी तांबेकर यांनी संघाच्या कार्याला नवी दिशा देण्याचा निर्धार व्यक्त केला. “स्वर्गीय राजारामबापू देसाई यांनी उभारलेला हा संघ पारदर्शक व शेतकरी हिताचा ठेवण्यास आम्ही कटिबद्ध आहोत,” अशी ग्वाही त्यांनी दिली.
या प्रसंगी महादेव पाटील, अल्बर्ट डिसूजा, डी. ए. पाटील, एम. के. देसाई तसेच संघाचे प्रमुख सुधीर देसाई यांनी नूतन पदाधिकाऱ्यांचे अभिनंदन केले. ज्येष्ठ संचालक विठ्ठलराव देसाई, राजाराम पाटील, राजलक्ष्मी देसाई, मायादेवी पाटील, उदयराज पवार, मधुकर यलार, ज्ञानदेव पवार, सुनील देसाई, रवींद्र होडगे, जोतिबा चाळके, संजय उत्तरकर, गणपती कांबळे, महेश पाटील, भाऊसाहेब किल्लेदार यांच्यासह सर्व संचालक उपस्थित होते.
निवडीनंतर सहाय्यक निबंधक सुजय कुमार यांचा सत्कार महादेव पाटील यांच्या हस्ते करण्यात आला. तसेच नूतन अध्यक्ष महादेव हेब्बाळकर यांचा सत्कार सुधीरभाऊ देसाई यांनी, तर उपाध्यक्ष संभाजी तांबेकर यांचा सत्कार एम. के. देसाई यांनी केला. कार्यक्रमाचे आभार गणपतराव सांगले यांनी मानले.
