अहिल्यादेवी नगर (प्रतिनिधी):
श्री संत निळोबाराय वारकरी शिक्षण संस्थेच्या वतीने पिंपळनेर (ता. पारनेर) येथे मुला-मुलींसाठी भव्य ‘बाल संस्कार शिबिर’ आयोजित करण्यात आले आहे. देश, धर्म, संस्कार आणि संस्कृती जतन करण्याच्या उद्देशाने हा उपक्रम राबविण्यात येत असून पालकांनी आपल्या पाल्यांना या शिबिरात सहभागी करून घ्यावे, असे आवाहन आयोजकांकडून करण्यात आले आहे.
या शिबिराचा प्रारंभ २५ एप्रिल रोजी होणार असून सांगता १० मे रोजी होणार आहे. लहान वयातच मुलांवर चांगले संस्कार व्हावेत, त्यांच्यात नैतिक मूल्ये, शिस्त आणि आत्मविश्वास वाढावा हा या शिबिराचा मुख्य उद्देश आहे.
शिबिरातील प्रमुख वैशिष्ट्ये:
- स्वावलंबी जीवनशैलीचे प्रशिक्षण
- योगासने व आरोग्य मार्गदर्शन
- सुभाषिते व संस्कारपर शिक्षण
- गायन, हार्मोनियम व पखवाज प्रशिक्षण
- श्रीमद्भगवद्गीता अभ्यास
- भारतीय परंपरा व थोर पुरुषांचे जीवनचरित्र
- संत चरित्र व धर्माचे महत्त्व
या माध्यमातून भावी पिढी सुसंस्कृत, जबाबदार आणि कुटुंबाभिमुख घडविण्याचा प्रयत्न केला जाणार आहे.
शिबिरात सहभागी होण्यासाठी पालकांनी आपल्या मुला-मुलींची नावनोंदणी करावी, असे आवाहन करण्यात आले आहे. अधिक माहितीसाठी ह.भ.प. गणेश महाराज शेंडे (मो. ९८२२३७३३११) आणि भागवताचार्य ह.भ.प. वैशालीताई शेंडे (मो. ७७२०८०९७७८) यांच्याशी संपर्क साधता येईल.
तसेच, शिबिरादरम्यान अन्नदान करू इच्छिणाऱ्या भाविकांनीही आयोजकांशी संपर्क साधावा, असे आवाहन करण्यात आले आहे.
हे शिबिर पिंपळनेर येथील श्री संत निळोबाराय वारकरी शिक्षण संस्थेच्या परिसरात आयोजित करण्यात आले आहे.
