गोदा ते नर्मदा जलयात्रेच्या आगमनानिमित्त शिर्डीत भव्य लोककला महोत्सव

रविवार, दि. २६ एप्रिल
शिर्डी प्रतिनिधी –

पुण्यश्लोक अहिल्याबाई होळकर यांच्या त्रिशताब्दी वर्षानिमित्त महाराष्ट्र शासनाच्या जलसंपदा विभागातर्फे आयोजित “गोदा ते नर्मदा – अहिल्यादेवी जलयात्रा”च्या आगमनानिमित्त शिर्डीत भव्य लोककला महोत्सवाचे आयोजन करण्यात आले आहे.

या महोत्सवाला महाराष्ट्र राज्याचे जलसंपदा मंत्री मा. श्री. राधाकृष्ण विखे पाटील तसेच भाजप महाराष्ट्र प्रदेशाचे प्रदेश उपाध्यक्ष मा. श्री. सुजय विखे पाटील यांची प्रमुख उपस्थिती लाभणार आहे.

कार्यक्रमात TheFolkAkhyan या प्रसिद्ध लोककला समूहाचे सुरेल सादरीकरण होणार असून, यामधून लोकसंगीत, पारंपरिक कला आणि सांस्कृतिक वारसा यांचा अद्वितीय संगम अनुभवता येणार आहे.

या महोत्सवाच्या माध्यमातून जलसंवर्धनाचा संदेश देत सांस्कृतिक जतनालाही चालना देण्याचा प्रयत्न करण्यात येत आहे. शिर्डी परिसरातील नागरिकांनी या कार्यक्रमाला मोठ्या संख्येने उपस्थित राहून लोककलेचा आनंद घ्यावा, असे आवाहन आयोजकांकडून करण्यात आले आहे.