पनवेल प्रतिनिधी:-
पनवेल महानगरपालिकेची स्थायी समितीची सभा दिनांक (27 एप्रिल )रोजी आद्य क्रांतीवीर वासुदेव बळवंत फडके नाट्यगृहातील तिसऱ्या मजल्यावरील बैठक कक्षात स्थायी समिती सभापती बबन मुकादम यांच्या अध्यक्षतेखाली घेण्यात आली. यावेळी विविध विषयांना मंजूरी देण्यात आली.
यावेळी स्थायी समितीचे सर्व सदस्य, अतिरीक्त आयुक्त गणेश शेटे, अतिरीक्त आयुक्त महेशकुमार मेघमाळे, महापालिका सचिव नानासाहेब कामठे, उपायुक्त डॉ. वैभव विधाते, उपायुक्त प्रसेनजित कारलेकर, मुख्य लेखाधिकारी निलेश नलावडे, शहर अभियंता संजय कटेकर, उपसचिव अक्षय कदम तसेच महापालिका अधिकारी व कर्मचारी उपस्थित होते.
पनवेल महानगरपालिकेकरिता महाराष्ट्र सुरक्षा महामंडळ यांच्याकडून कंत्राटी पध्दतीने घेतलेल्या ३० सुरक्षा रक्षक यांस ११ महिने कालावधी करीता कंत्राटी पध्दतीने मुदतवाढ देणेबाबतच्या विषयास संबधित अधिकाऱ्यांकडून माहिती घेऊन विषयास मंजूरी देण्यात आली.
पनवेल महानगरपालिका हद्दीतील प्रभाग समिती अ. खारघर मधील कोपरा तलाव (गणेश तलाव) लगत पादचारी पूल, संरक्षण भिंत व पावसाळी गटार बांधण्याच्या विषयास स्थायी समितीच्या सभेमध्ये मान्यता देण्यात आली.
पनवेल महानगरपालिका हद्दीतील विविध १० ठिकाणी क्रॉप्स फिट मल्टी जिम स्टेशन बसविण्याच्या विषयास स्थायी समिती सदस्यांनी मंजूर दिली.
पनवेल महानगरपालिका मालकीच्या आद्य क्रांतीवीर वासुदेव बळवंत फडके नाट्यगृहामधील मध्यवर्ती वातानुकूलित यंत्रणेची दोन वर्षाकरिता दैनंदिन परिचालन देखभाल, दुरुस्ती, सुधारणा व नुतनीकरण करण्याच्या विषयास मंजूरी देण्यात आली.
पनवेल महानगरपालिका क्षेत्रातील पनवेल शहरातील डॉ. बाबासाहेब आंबेडकर पुतळा ते पनवेल भाजी मार्केट रस्त्यावर मध्यभागी डेकोरेटिव्ह पथदिप खांब उभारुन कार्यान्वित करण्याच्या विषयास मंजूरी देण्यात आली.
पनवेल महापालिका कार्यक्षेत्रातील विहिरींची दुरूस्ती, पुनरूज्जीवन आणि जीर्णोध्दार या कामाकरिता प्राप्त न्युनतम निविदा दरास मान्यता मिळणेच्या विषयास मंजूरी देण्यात आली.
पनवेल महानगरपालिका हद्दीतील प्रभाग समिती अ. मधील खारघर नोड मधील अंतर्गत डांवरी रस्त्यांचे पुनपृष्टीकरण करणे. या कामाच्या सकारात्मक व नकारात्मकतेला मान्यता मिळणेबाबतच्या विषयास मंजूरी देण्यात आली.
