माहूर (प्रतिनिधी) :
महाराष्ट्र दिनाच्या पावन पर्वाचे औचित्य साधत भारतीय जनता पार्टी, माहूर यांच्या वतीने एक प्रेरणादायी सामाजिक उपक्रम राबविण्यात आला. किनवट / माहूर विधानसभा मतदारसंघाचे लोकप्रिय आमदार भीमराव केराम यांच्या मार्गदर्शनाखाली हा उपक्रम पार पडला.
भाजपा शहराध्यक्ष गोपू महामुने यांच्या वाढदिवसानिमित्त भारतरत्न डॉ. बाबासाहेब आंबेडकर चौक, बस स्थानकासमोर येणाऱ्या नागरिक व भाविकांसाठी थंडगार आरओ पिण्याच्या पाण्याची पाणपोई सुरू करण्यात आली. वाढत्या उन्हाळ्याच्या पार्श्वभूमीवर हा उपक्रम नागरिकांसाठी अत्यंत दिलासादायक ठरत आहे.
या पाणपोईचे उद्घाटन माजी जिल्हा परिषद सदस्य संजय राठोड यांच्या हस्ते करण्यात आले. यावेळी भाजपा तालुकाध्यक्ष निळकंठ मस्के, रुग्ण कल्याण समिती सदस्य अनिल वाघमारे, डॉ. निरंजन केशवे, ज्येष्ठ पत्रकार विजय आमले, वसंत कपाटे, सुरेश गिऱ्हे, अपील बेलखोडे, गजानन भारती, राज ठाकूर, गौरव जयस्वाल, अमोल धनावत, निलेश तायडे, अशोक जोशी, रोनक दीक्षित, किशोर आत्राम, नवनीत देवपूलवार, निखिल शिंदे, राम दातीर, राजू मगरे, योगेश परसवाळे तसेच महिला तालुकाध्यक्ष पद्मा गिऱ्हे व शहराध्यक्ष स्वातीताई आडे यांच्यासह अनेक पदाधिकारी व कार्यकर्ते मोठ्या संख्येने उपस्थित होते.
या उपक्रमामुळे कडक उन्हात प्रवास करणाऱ्या नागरिकांना व भाविकांना मोठा दिलासा मिळत असून, मानवतेचा संदेशही अधिक दृढ होत आहे. गोपू महामुने यांनी वाढदिवसानिमित्त समाजोपयोगी कार्य करत सामाजिक बांधिलकीचा आदर्श घालून दिला आहे.
“वाढदिवस साजरा करण्याचा सर्वोत्तम मार्ग म्हणजे समाजासाठी काहीतरी देणं!” — या विचाराला साजेसा हा उपक्रम ठरला आहे.
