देवळी (प्रतिनिधी)
तहसील कार्यालय देवळी येथे १ मे २०२६ रोजी महाराष्ट्र दिन व कामगार दिन उत्साहात साजरा करण्यात आला. कार्यक्रमाचे अध्यक्ष समर्थ क्षीरसागर यांच्या हस्ते ध्वजारोहण करण्यात आले.
यावेळी पत्रकार व सामाजिक कार्यकर्ते धीरज कांबळे यांच्या कार्याचा गौरव करून त्यांचा सत्कार करण्यात आला. तसेच ३८ वर्षे देशसेवा करून निवृत्त झालेल्या माजी सैनिक अशोक झिलपे यांचाही सन्मान करण्यात आला.
कार्यक्रमादरम्यान तहसीलदार राजेंद्र सयाम यांच्या हस्ते स्वगणना अभियानाची सुरुवात करण्यात आली. तहसीलदारांनी स्वतःपासून स्वगणनेची सुरुवात करत तालुक्यातील सर्व महसूल कर्मचाऱ्यांकडून स्वगणना पूर्ण करण्यात आली असून नागरिकांनीही या अभियानात मोठ्या प्रमाणावर सहभागी व्हावे, असे आवाहन केले.
या कार्यक्रमास नायब तहसीलदार सौ. माय चावडीपांडे, सौ. हेमा जाधवर, सौ. चांदणी शिवरकर (निरीक्षण अधिकारी), तसेच मंडळ अधिकारी, ग्राम महसूल अधिकारी, महसूल सेवक व इतर अधिकारी-कर्मचारी मोठ्या संख्येने उपस्थित होते.
कार्यक्रमाचे सूत्रसंचालन सहाय्यक महसूल अधिकारी अमोल आगलावे यांनी केले.
