वर्धा (प्रतिनिधी)
महाराष्ट्र राज्याच्या ६७ व्या स्थापना दिनानिमित्त वर्धा येथे वन विभागाच्या वतीने विविध ठिकाणी ध्वजारोहणाचे कार्यक्रम उत्साहात पार पडले.
वनपरिक्षेत्र कार्यालय, वर्धा प्रादेशिक येथे सकाळी ७.३० वाजता आयोजित कार्यक्रमात वनपरिक्षेत्र अधिकारी कु. वैशाली भलावी यांच्या हस्ते ध्वजारोहण करण्यात आले. यावेळी उपस्थितांनी राष्ट्रगीत गायन करून ध्वजाला मानवंदना दिली.
यानंतर उपवनसंरक्षक कार्यालय, वर्धा प्रादेशिक येथे दुसरा ध्वजारोहण कार्यक्रम आयोजित करण्यात आला. या कार्यक्रमात उपवनसंरक्षक हरवीर सिंग यांच्या हस्ते ध्वजारोहण करण्यात आले.
या प्रसंगी सहाय्यक वनसंरक्षक एम. के. आडे, सहाय्यक वनसंरक्षक (वन्यजीव) एच. एस. सरोदे तसेच प्रादेशिक कार्यालयातील वनपाल व कर्मचारी मोठ्या संख्येने उपस्थित होते. कार्यक्रम उत्साहपूर्ण वातावरणात पार पडला.
