कन्नड (प्रतिनिधी)
डॉ. बाबासाहेब आंबेडकर जयंतीनिमित्त सार्वजनिक उत्सव समिती आणि जिजामाता शिक्षण प्रसारक मंडळ यांच्या संयुक्त विद्यमाने आयोजित करण्यात आलेल्या तालुका स्तरीय निबंध स्पर्धेचा निकाल जाहीर करण्यात आला आहे.
या स्पर्धेत खालील विद्यार्थ्यांनी उल्लेखनीय यश संपादन केले आहे. प्रथम क्रमांक वैष्णवी गणेश बनकर (जिल्हा परिषद शाळा, बहीरगाव), द्वितीय क्रमांक वैष्णवी प्रकाश निकम (कर्मवीर काकासाहेब देशमुख विद्यालय, कन्नड) तर तृतीय क्रमांक स्पृहा सुहास जवलकर (साने गुरुजी विद्यालय, कन्नड) यांनी पटकावला.
तसेच शीतल भिमराव जाधव, आरुषि नवनाथ तुपे, आरशीन सलीम शेख आदी विद्यार्थ्यांनीही स्पर्धेत उत्तम कामगिरी केली.
या सर्व विजेत्या विद्यार्थ्यांचा व त्यांच्या शिक्षकांचा लवकरच जाहीर समारंभात सन्मान करण्यात येणार असल्याची माहिती आयोजकांकडून देण्यात आली आहे.
