माळशिरस (प्रतिनिधी) : दिनांक १ मे २०२६ रोजी बुद्ध पौर्णिमेनिमित्त तसेच कालखतीत येथील स्व. ज्ञानदेव बापू लोंढे यांच्या पाचव्या पुण्यतिथीनिमित्त विविध सामाजिक व धार्मिक कार्यक्रमांचे आयोजन करण्यात आले.
या कार्यक्रमांतर्गत उपस्थित भाविकांना महाप्रसाद म्हणून खिरीचे वाटप करण्यात आले. कार्यक्रमात ग्रामस्थांचा उत्स्फूर्त सहभाग लाभला असून परिसरात भक्तिमय वातावरण निर्माण झाले होते.
या उपक्रमात सागर लोंढे (पुणे पोलीस), धनाजी वाघमारे, शेतकरी मित्र सिद्धार्थ काटे, खुडूस गावचे पोलीस पाटील डी. एल. कांबळे, किशोर आव्हाड, बाळू कांबळे (भावी सरपंच) तसेच अनेक कार्यकर्त्यांनी सक्रिय सहभाग नोंदविला.
कार्यक्रमाच्या यशस्वी आयोजनाबद्दल ‘फुले-शाहू-आंबेडकर बहुउद्देशीय सेवाभावी संस्था’च्या वतीने सर्व सहभागी कार्यकर्त्यांचे आभार व्यक्त करण्यात आले.
