माहूर (प्रतिनिधी) – भारतीय जनता पार्टीचे शहराध्यक्ष तथा नगरसेवक गोपू उर्फ सागर महामुने यांचा वाढदिवस निर्भय व युवा ग्रामीण पत्रकार संघातर्फे हॉटेल आदिशक्ती येथे उत्साहात साजरा करण्यात आला.
समाजकारण व राजकारणात सक्रिय भूमिका बजावणारे आणि किनवट-माहूर विधानसभा मतदारसंघाचे आमदार भीमराव केराम यांचे विश्वासू सहकारी म्हणून ओळख असलेले गोपू महामुने यांच्या वाढदिवसानिमित्त विविध मान्यवरांनी उपस्थित राहून शुभेच्छा दिल्या.
यावेळी निर्भय व युवा ग्रामीण पत्रकार संघाचे राष्ट्रीय अध्यक्ष गणेश कचकलवार, तालुकाध्यक्ष अनिल माडपेलीवार, उपाध्यक्ष समाधान कांबळे, समाजकार्य तालुकाध्यक्ष तथा शहराध्यक्ष कुंदन तीवडकर, संजय वडसकर, अंबादास मोकटे, गोपाल चव्हाण आदी उपस्थित होते.
कार्यक्रमादरम्यान मान्यवरांनी गोपू महामुने यांच्या कार्याचा गौरव करत त्यांच्या पुढील वाटचालीस शुभेच्छा दिल्या. कार्यक्रम उत्साहपूर्ण वातावरणात पार पडला.
