खटाव | प्रतिनिधी
खटाव तालुक्यातील निमसोड येथील सिद्धनाथ विद्यालयाच्या विद्यार्थिनी कुमारी पवार हिने एन.एम.एस. (राष्ट्रीय प्रज्ञा शोध) परीक्षेत उत्तम गुण मिळवत शिष्यवृत्ती मिळवण्यास पात्रता सिद्ध केली आहे. तिच्या या यशामुळे शाळा व परिसरात आनंदाचे वातावरण निर्माण झाले आहे.
विद्यार्थिनीच्या या उल्लेखनीय यशाबद्दल विद्यालयात सत्कार समारंभाचे आयोजन करण्यात आले. यावेळी शाळेचे मुख्याध्यापक श्री. घाडगे सर यांच्या हस्ते कुमारी पवार हिला पुष्पगुच्छ देऊन गौरविण्यात आले.
या प्रसंगी शाळेतील सर्व शिक्षक, विद्यार्थी तसेच पालक मोठ्या संख्येने उपस्थित होते. उपस्थितांनी तिच्या पुढील वाटचालीस शुभेच्छा देत भविष्यातही असेच यश संपादन करण्यासाठी प्रोत्साहन दिले.
