श्रीगोंदा (प्रतिनिधी)
श्रीगोंदा येथील महाराजा जिवाजीराव शिंदे महाविद्यालयात महाराष्ट्र दिन व जागतिक कामगार दिन उत्साहात साजरा करण्यात आला. महाविद्यालयाच्या प्रांगणात पार पडलेल्या या कार्यक्रमात एन.सी.सी.च्या विद्यार्थ्यांनी राष्ट्रध्वजाला मानवंदना दिली.
यावेळी महाविद्यालयाचे प्राचार्य डॉ. प्रकाश साळवे यांच्या हस्ते ध्वजारोहण करण्यात आले. आपल्या अभिभाषणात त्यांनी महाराष्ट्राच्या समृद्ध परंपरेचा गौरव करताना सांगितले की, महाराष्ट्र ही संतांची, समाजसुधारकांची आणि वीरांची भूमी आहे. थोर पुरुषांच्या त्यागातून महाराष्ट्र समृद्ध झाला असून त्यांच्या कार्याबद्दल कृतज्ञता व्यक्त करणे आवश्यक आहे. तसेच संयुक्त महाराष्ट्राच्या लढ्यातील महान त्यागी व्यक्तींचे स्मरण करून त्यांनी उपस्थितांना महाराष्ट्र दिन व कामगार दिनाच्या शुभेच्छा दिल्या.
या कार्यक्रमास उपप्राचार्य डॉ. सुदाम भुजबळ, डॉ. नितीन थोरात, आय.क्यू.ए.सी. समन्वयक डॉ. राहुल गायकवाड, एन.सी.सी. विभाग प्रमुख डॉ. किरण ढवळे, शारीरिक शिक्षण संचालिका प्रा. कल्पना बागुल, पर्यवेक्षक प्रा. रत्नाकर झिटे, क्रीडा शिक्षक प्रा. संजय डफळ, डॉ. राजेंद्र ठाकरे, डॉ. राजाराम कानडे, अधीक्षक बाळासाहेब राऊत यांच्यासह सर्व विभागप्रमुख, प्राध्यापक, शिक्षकेतर कर्मचारी, विद्यार्थी व विद्यार्थिनी मोठ्या संख्येने उपस्थित होते.
कार्यक्रमाचे सूत्रसंचालन प्रा. संदीप दरेकर यांनी केले.
