सेलू (प्रतिनिधी) : तालुक्यातील शैक्षणिक क्षेत्रात आपली वेगळी ओळख निर्माण केलेल्या दीपचंद चौधरी कनिष्ठ महाविद्यालयाने बारावी विज्ञान शाखेच्या परीक्षेत यंदाही उल्लेखनीय यश संपादन करत 97.82 टक्के निकालाची नोंद केली आहे. या यशामुळे विद्यार्थी, पालक व शिक्षकांमध्ये आनंदाचे वातावरण निर्माण झाले आहे.
यंदाच्या निकालात कु. लक्ष्मी रविंद्र तडस हिने 77.17 टक्के गुण मिळवत प्रथम क्रमांक पटकावला. कु. लावण्या गजानन रघाटाटे हिने 76.67 टक्के गुणांसह द्वितीय, तर कु. संजीवनी संजय वांदिले हिने 72.50 टक्के गुण मिळवत तृतीय क्रमांक मिळवला.
या यशाबद्दल महाविद्यालयाच्या प्राचार्या डॉ. कल्पना मकरंदे यांनी गुणवंत विद्यार्थ्यांचे अभिनंदन करून पुढील शैक्षणिक वाटचालीस शुभेच्छा दिल्या. तसेच पर्यवेक्षक जी. बी. खंडागळे व मुंडे यांनीही विद्यार्थ्यांचे कौतुक केले.
विद्यार्थ्यांच्या यशामागे विभागप्रमुख प्रा. मंगेश वडूरकर, प्रा. मेघा चंद्रनखेडे, प्रा. राजेश कनोजिया, प्रा. राजेश गोर, प्रा. जे. एम. डायगव्हाने तसेच प्रयोगशाळा सहाय्यक बुधे यांचे मार्गदर्शन महत्त्वपूर्ण ठरल्याचे विद्यार्थ्यांनी सांगितले. शिक्षकांचे परिश्रम, विद्यार्थ्यांची मेहनत आणि पालकांचे सहकार्य यामुळे हे यश शक्य झाल्याची भावना यावेळी व्यक्त करण्यात आली.
महाविद्यालयाच्या या यशाबद्दल सर्व स्तरातून अभिनंदन होत असून, संस्थेने पुन्हा एकदा आपली गुणवत्तेची परंपरा कायम राखली आहे.
