वर्धा (दि. ३० एप्रिल २०२६) : वर्धा जिल्हा पोलीस दलातील पाच वरिष्ठ पोलीस अंमलदारांना सेवेनिवृत्ती निमित्त भावपूर्ण निरोप देण्यात आला. हा निरोप समारंभ पोलीस अधीक्षक कार्यालय, वर्धा येथे उत्साहात पार पडला.
यावेळी पोलीस अधीक्षक सौरभ कुमार अग्रवाल यांनी सेवेनिवृत्त होणाऱ्या कर्मचाऱ्यांचा शाल, श्रीफळ व पुष्पगुच्छ देऊन सन्मान केला तसेच त्यांच्या पुढील आयुष्यासाठी शुभेच्छा दिल्या.
सेवेनिवृत्त अंमलदार :
- गोरखनाथ नगराळे (पो. हे. का.) – पोलीस स्टेशन हिंगणघाट
- नरेश लक्ष्मणराव पेटकर (पो. ना.) – पोलीस मुख्यालय, वर्धा
- मनोहर रामदासजी चांदणेकर (पो. ना.) – पोलीस मुख्यालय, वर्धा
- संजय मधुकर ठोंबरे (सहपो.) – दहशतवाद विरोधी पथक
- रवींद्र विठ्ठलराव अवचारे (सहपो.) – पोलीस स्टेशन आर्वी
समारंभात बोलताना पोलीस अधीक्षकांनी सांगितले की, पोलीस दलात काम करताना कर्तव्यभावना व जबाबदारीची जाणीव ठेवून सेवा बजावणे अत्यंत महत्त्वाचे आहे. सेवेनिवृत्त अंमलदारांनी दीर्घकाळ प्रामाणिक सेवा देऊन पोलीस दलाची प्रतिष्ठा वाढवली असून त्यांचा अनुभव भविष्यात मार्गदर्शक ठरेल.
या कार्यक्रमाला पोलीस दलातील अधिकारी व कर्मचारी मोठ्या संख्येने उपस्थित होते. तसेच सेवेनिवृत्त कर्मचाऱ्यांच्या कुटुंबीयांनीही उपस्थित राहून समारंभाला भावनिक स्वरूप प्राप्त झाले.
