माळशिरस (प्रतिनिधी) : माळशिरस तालुक्यातील झंजेवाडी येथे ग्रामपंचायतसमोर ६ मे २०२६ रोजी भारतीय काँग्रेस पक्षाचे सरचिटणीस भारतीय राष्ट्रीय काँग्रेस चे धनाजी मस्के आमरण उपोषण करणार असल्याची माहिती समोर आली आहे.
गावातील विविध प्रलंबित प्रश्नांवर तोडगा निघावा यासाठी हे उपोषण करण्यात येणार आहे. यामध्ये प्रमुख मागण्या पुढीलप्रमाणे आहेत:
- जल जीवन मिशन अंतर्गत झालेल्या कामांची चौकशी करून नागरिकांना तात्काळ पाणीपुरवठा सुरू करावा
- ग्रामपंचायत कार्यालयातील शौचालय तातडीने सुरू करावे
- घरकुल योजनेतील कथित भ्रष्टाचाराची चौकशी करून संबंधितांवर कारवाई करावी
- गावठाण मोजणी करून सिटी सर्व्हेमध्ये नोंद करावी, जेणेकरून विकासकामांना अडथळा येणार नाही
या सर्व मागण्यांसाठी धनाजी मस्के उपोषणाचा मार्ग अवलंबणार असून, स्थानिक पातळीवर या आंदोलनाकडे लक्ष लागले आहे.
दरम्यान, या उपोषणाला ‘सारथी महाराष्ट्र’चे सोलापूर जिल्हा प्रतिनिधी चंद्रकांत गायकवाड यांनी पाठिंबा जाहीर केला आहे. ग्रामस्थांच्या प्रश्नांसाठी प्रशासनाने तातडीने लक्ष देऊन योग्य तो निर्णय घ्यावा, अशी मागणीही करण्यात येत आहे.
