भडगाव (प्रतिनिधी):
भडगाव परिसरातील हिरण्यकेशी नदीवरील नवीन पुलाचे बांधकाम सध्या युद्धपातळीवर सुरू असून कामाला वेग आला आहे. आज दुपारच्या सुमारास पुलाच्या दोन पिलरवर मोठा गर्डर दोन हायड्रोलिक मशीनच्या सहाय्याने यशस्वीरीत्या बसविण्यात आला.
या कामाचा महत्त्वाचा टप्पा पूर्ण झाल्याने पुलाच्या उर्वरित कामालाही गती मिळणार आहे. या प्रक्रियेतील थरारक दृश्य सागर गुडसे यांनी आपल्या कॅमेऱ्यात टिपले.
स्थानिक नागरिकांच्या माहितीनुसार, सध्या सुरू असलेल्या वेगवान कामामुळे येत्या महिन्याच्या अखेरीस संपूर्ण पुलाचे बांधकाम पूर्ण होण्याची शक्यता व्यक्त केली जात आहे.
हा पूल पूर्ण झाल्यानंतर भडगावसह परिसरातील नागरिकांना वाहतुकीसाठी मोठा दिलासा मिळणार असून, दळणवळण अधिक सुलभ होणार आहे.
