जळकोट (प्रतिनिधी) : लातूर जिल्ह्यातील जळकोट तालुक्यातील माळी हिपरगा येथे अल्पवयीन व मानसिकदृष्ट्या अक्षम मुलीवर अत्याचार झाल्याची गंभीर घटना उघडकीस आली आहे. या प्रकरणी मुलीच्या वडिलांवर गुन्हा दाखल करून त्यांना अटक करण्यात आली आहे.
मिळालेल्या माहितीनुसार, वैद्यकीय तपासणीत पीडित मुलगी सुमारे १९ आठवडे २ दिवसांची गर्भवती असल्याचे निष्पन्न झाले आहे. या घटनेमुळे संपूर्ण लातूर जिल्ह्यात संतापाचे वातावरण निर्माण झाले आहे.
पीडित मुलीच्या आईच्या फिर्यादीनुसार, डिसेंबर २०२५ ते ७ एप्रिल २०२६ या कालावधीत आरोपीने मुलीला आमिष दाखवून वारंवार अत्याचार केल्याचा आरोप आहे.
या प्रकरणी जळकोट पोलिस ठाण्यात १७ एप्रिल रोजी भारतीय न्याय संहिता कलम ६३(६), ६४(२) तसेच पॉक्सो कायद्याअंतर्गत गुन्हा नोंदवण्यात आला आहे. पोलिसांनी आरोपी सिद्धार्थ मसणाजी कांबळे याला अटक केली असून पुढील तपास सुरू आहे.
या प्रकरणाचा तपास पोलिस निरीक्षक श्रीराम माचेवाड यांच्या मार्गदर्शनाखाली सुरू असून दोषीवर कठोर कारवाईची मागणी नागरिकांकडून केली जात आहे.
