जळकोट (प्रतिनिधी) : तालुक्यातील कोळनूर येथील उमेश भालेराव यांनी प्रतिकूल परिस्थितीवर मात करत मुंबई पोलीस दलात कॉन्स्टेबल पदावर निवड मिळवली आहे. त्यांच्या या यशामुळे परिसरात आनंदाचे वातावरण असून सर्व स्तरातून त्यांचे कौतुक होत आहे.
उमेश भालेराव यांनी कठोर परिश्रम, जिद्द आणि चिकाटीच्या जोरावर हे यश संपादन केले. आर्थिक व सामाजिक अडचणींना न जुमानता त्यांनी आपले ध्येय साध्य केले. त्यांच्या यशामागे आई-वडिलांचे मोठे योगदान असल्याचे त्यांनी सांगितले.
या यशाबद्दल संपूर्ण ग्रामस्थ, तरुण पत्रकार सामाजिक संघटना, सर्वपक्षीय कार्यकर्ते, सरपंच, उपसरपंच, पोलीस पाटील तसेच ग्रामपंचायत सदस्यांनी त्यांचे अभिनंदन केले.
उमेश भालेराव यांच्या यशामुळे कोळनूर गावाचा नावलौकिक वाढला असून ते इतर तरुणांसाठी प्रेरणास्थान ठरत आहेत.
