परभणी (प्रतिनिधी) : पाथरी येथील स. गो. नखाते माध्यमिक विद्यालय, देवनंद्रा येथील मुख्याध्यापक बी.आर. होगे यांच्या महाप्रसादनिमित्त आयोजित कार्यक्रमात स्वामी शिवेंद्र चैतन्य महाराज यांची उपस्थिती लाभली. यावेळी अजिंक्य भैया यांनी स्वामींची भेट घेऊन विविध विषयांवर सविस्तर संवाद साधला.
स्वामी शिवेंद्र चैतन्य महाराज यांनी नुकतीच नर्मदा परिक्रमा यशस्वीपणे पूर्ण केली असून अलीकडेच त्यांचा अभीष्टचिंतन सोहळाही पार पडला. या दुहेरी औचित्य साधून अजिंक्य भैया यांच्या हस्ते स्वामींचा विशेष सत्कार करण्यात आला.
यावेळी अजिंक्य भैयांनी यशवाडी गावाच्या विकासासाठी सहकार्य करण्याची इच्छा व्यक्त करत, “गावाच्या प्रगतीसाठी लागणारी कोणतीही सेवा करण्याची संधी द्यावी,” अशी विनंती स्वामींना केली. यावर स्वामींनी सकारात्मक प्रतिसाद देत जुन्या आठवणींना उजाळा दिला. “भावनाताई नखाते जिल्हा परिषद सदस्य असताना गावासाठी पाण्याची टाकी मंजूर करून दिली होती. भविष्यातही गावासाठी मदत आवश्यक असल्यास नक्की कळवा,” असे त्यांनी सांगितले.
या कार्यक्रमास परिसरातील नागरिक व मान्यवर मोठ्या संख्येने उपस्थित होते.
