परभणी (प्रतिनिधी) : महाराष्ट्र राज्य माध्यमिक व उच्च माध्यमिक शिक्षण मंडळाच्या बारावी परीक्षेच्या निकालात रामेटाकळी येथील महात्मा बसवेश्वर कनिष्ठ महाविद्यालयाने यंदाही उज्ज्वल यशाची परंपरा कायम राखली आहे. विद्यार्थ्यांनी उत्कृष्ट कामगिरी करत महाविद्यालयाचा नावलौकिक उंचावला आहे.
विज्ञान शाखेतून दीपराज मुंजा रोडे याने ८९.८३% गुण मिळवून तालुक्यात प्रथम क्रमांक मिळवला, तर वाणिज्य शाखेतून श्रुतिका रावसाहेब मगर हिने ९२.८३% गुणांसह तालुक्यात अव्वल स्थान पटकावले.
शाखानिहाय गुणवंत विद्यार्थी :
विज्ञान शाखा :
१) दीपराज मुंजा रोडे – ८९.८३%
२) आयुषी शाम लाटकर – ८४.५९%
३) बीबी आयेशा अ. मुकीत अन्सारी – ८०.८३%
कला शाखा :
१) सलोनी भिकाजी कटके – ७६.६७%
२) स्वाती रघुनाथ आरनुळे – ६७.६७%
३) कोमल शरद पवार – ६५.१७%
वाणिज्य शाखा :
१) श्रुतिका रावसाहेब मगर – ९२.८३%
२) गौरी अशोक वरडे – ७२%
३) अंकिता शंकर हारकळ – ६२%
जिद्द आणि मार्गदर्शनाचा संगम
“प्रत्येक विद्यार्थ्यामध्ये गुणवत्ता असते, तिला योग्य मार्गदर्शनाची जोड मिळाली की असे यश मिळते,” असे महाविद्यालय प्रशासनाने नमूद करत विद्यार्थ्यांचे कौतुक केले. मानवत तालुक्याचे गटशिक्षणाधिकारी राधाकिशन तोष्णीवाल यांनीही विद्यार्थ्यांचे अभिनंदन केले.
अभिनंदनाचा वर्षाव
या यशाबद्दल संस्थापक अध्यक्ष शांतलिंग काळे, संचालक रितेश काळे (जि.प. सदस्य), काशिनाथ शिंदे, उपाध्यक्ष राजेभाऊ डुकरे, संचालक आत्मलिंग काजळे, प्राचार्य एल. बी. पाठक तसेच प्रा. जोजारे, प्रा. तळेकर, प्रा. कदम, प्रा. यादव, प्रा. सोगे, प्रा. नखाते, प्रा. डाके, कोकाटे एन. डी., गोखले संघप्रिया आणि संदीप कदम यांनी विद्यार्थ्यांचे व पालकांचे अभिनंदन करून पुढील वाटचालीस शुभेच्छा दिल्या.
महाविद्यालयाच्या या उल्लेखनीय यशामुळे परिसरात आनंदाचे वातावरण निर्माण झाले आहे.
