परभणी (प्रतिनिधी) – नरसापुर येथील तीन वर्षीय चिमुकलीवरील लैंगिक अत्याचार व हत्येच्या घटनेतील आरोपीवर कठोरात कठोर कारवाई करण्याच्या मागणीसाठी आज जिल्हाधिकारी साहेबांना निवेदन देण्यात आले.
या निवेदनात आरोपीला फाशीची शिक्षा देण्यात यावी तसेच पीडित कुटुंबाला तात्काळ व न्यायपूर्ण मदत मिळावी, अशी ठाम मागणी करण्यात आली.
यावेळी खासदार डॉ. फौजिया खान, इंजि. रामदास आडे सर, परभणी शहर सचिव शेख अल्ताफ यांच्यासह शिष्टमंडळ उपस्थित होते. शिष्टमंडळाने प्रशासनाकडे या प्रकरणाची गंभीर दखल घेऊन तातडीने न्याय देण्याची मागणी केली.
घटनेमुळे परिसरात तीव्र संतापाचे वातावरण असून नागरिकांमध्ये आरोपीविरोधात कठोर शिक्षेची मागणी होत आहे.
