भोर प्रतिनिधी –
भोर तालुक्यातील नसरापूर परिसरात १ मे रोजी घडलेल्या संतापजनक घटनेने संपूर्ण पुणे जिल्हा हादरून गेला आहे.
एका निष्पाप अल्पवयीन मुलीवर अमानुषपणे अत्याचार करून तिचा अत्यंत दुर्दैवी अंत करण्यात आला. या भयानक आणि अमानवीय कृत्यामुळे सर्वत्र संतापाची लाट. या नीच कृत्यामुळे खुद्द आरोपीच्या पत्नीने आणि मुलाने या घटनेचा तीव्र शब्दांत निषेध करत , त्याला थेट फाशीची कठोर शिक्षा देण्याची मागणी केली आहे. हा आरोपी २०१५ सालापासून आमच्यापासून पूर्णपणे वेगळा राहत असून आम्ही आमचा उदरनिर्वाह स्वतः कष्ट करून चालवतो. त्याचा आणि आमचा आता कोणताही संबंध उरलेला नाही, आम्हाला त्याचे शव देखील पाहू नये. अशा संतप्त भावना त्याच्या पत्नीने प्रसारमाध्यमांसमोर व्यक्त केल्या आहेत.
