मारे (प्रतिनिधी) : मारेगाव पंचायत समिती अंतर्गत येणाऱ्या मार्डी सर्कलमधील कानडा गावात ग्राम जयंती उत्सव मोठ्या उत्साहात साजरा करण्यात आला. या निमित्ताने गावात विविध सामाजिक व सांस्कृतिक कार्यक्रमांचे आयोजन करण्यात आले होते.
कार्यक्रमात वाचनालयाचे उद्घाटन सौ. सुषमा ढोके यांच्या अध्यक्षतेखाली पार पडले. या उपक्रमामुळे गावातील विद्यार्थी व वाचनप्रेमींना अभ्यासासाठी नवे दालन उपलब्ध झाले आहे.
राष्ट्रसंत तुकडोजी महाराज यांच्या जयंतीनिमित्त विविध उपक्रम राबविण्यात आले. प्रबोधनात्मक कार्यक्रम, सामूहिक वाचन व सामाजिक संदेश देणारे उपक्रम यामुळे संपूर्ण परिसरात उत्साहाचे वातावरण निर्माण झाले.
या कार्यक्रमाला ग्रामस्थ, युवक, महिला वर्ग तसेच स्थानिक मान्यवर मोठ्या संख्येने उपस्थित होते. ग्राम विकासासाठी असे उपक्रम सातत्याने राबवावेत, अशी अपेक्षा ग्रामस्थांनी व्यक्त केली.
