येवला (प्रतिनिधी) : सुरेगाव रस्ता (ता. येवला) येथे शैनेश्वर जयंतीनिमित्त आयोजित अखंड हरिनाम सप्ताह, ग्रंथराज ज्ञानेश्वरी पारायण सोहळा तसेच तुलसी रामायण कथा सोहळा दि. ९ मे ते १५ मे दरम्यान संपन्न होणार आहे. या धार्मिक सोहळ्याच्या पार्श्वभूमीवर मिरंजी बाबा नगरची नियोजन बैठक उत्साहात पार पडली.
या सप्ताहात मिरंजी बाबा नगरची तिसऱ्या दिवसाची पंगत आयोजित करण्यात येणार असून, त्यासाठी सविस्तर नियोजन करण्यात आले. बैठकीदरम्यान समितीची स्थापना करण्यात आली तसेच वर्गणी, अन्नदान व इतर खर्चांबाबत सखोल चर्चा करण्यात आली.
या बैठकीस मिरंजी बाबा नगर ग्रुपचे सर्व सदस्य मोठ्या संख्येने उपस्थित होते.
