अकलूज – मा. आमदार रणजितसिंह मोहिते-पाटील यांच्या वाढदिवसानिमित्त ग्रीनफिंगर्स आयुर्वेदिक हॉस्पिटल व रिसर्च सेंटर, शंकरनगर येथे भव्य रक्तदान व मोफत आरोग्य तपासणी शिबिराचे आयोजन करण्यात आले. हा उपक्रम मा. सत्यप्रभादेवी रणजितसिंह मोहिते-पाटील यांच्या मार्गदर्शनाखाली पार पडला.
कार्यक्रमाचे उद्घाटन युवा नेते शिवतेजसिंह मोहिते-पाटील (शिवबाबा) यांच्या हस्ते दीपप्रज्वलन व भगवान धन्वंतरींच्या पूजनाने करण्यात आले. सुरुवातीला हॉस्पिटलचे डीन डॉ. प्रशांत निंबाळकर यांनी प्रास्ताविक केले.
या शिबिरात एकूण ६३५ नागरिकांनी सहभाग घेत आरोग्य सेवांचा लाभ घेतला. त्यामध्ये:
- २३५ जणांनी रक्तदान
- १५६ जणांचे जनरल तपासणी
- ६१ ईसीजी
- ६० नेत्र तपासणी
- ५८ अस्थिरोग तपासणी
- २२ एक्स-रे
- १५ सोनोग्राफी तपासण्या करण्यात आल्या.
यावेळी डॉ. एम. के. इनामदार यांनी उपस्थितांना आरोग्यविषयक मार्गदर्शन केले.
कार्यक्रमात विविध क्षेत्रांतील मान्यवरांचा सत्कार करण्यात आला. त्यामध्ये रेशमाताई अडगळे, मोटार वाहन निरीक्षक संदीप पाटील, शंकर सहकारी साखर कारखान्याचे एमडी स्वरूप देशमुख, तसेच डॉ. अमोल शिंदे, डॉ. समीर दोशी, डॉ. बाहुबली दोशी, डॉ. अमोल माने आणि डॉ. अभिजित राजे भोसले यांचा समावेश होता.
कार्यक्रमाला संस्थेचे ट्रस्टी संजय राकले, सहसचिव शिवदास शिंदे आदी मान्यवर उपस्थित होते. कार्यक्रमाचे सूत्रसंचालन प्रा. सत्यजित खताळ यांनी केले, तर प्रशासकीय अधिकारी विक्रमसिंह बागल यांनी आभार प्रदर्शन केले.
या समाजोपयोगी उपक्रमाचे उपस्थितांनी मोठ्या उत्साहात स्वागत करत कौतुक केले.
