अहेरी | प्रतिनिधी
स्थानिक धर्मराव शिक्षण मंडळ, अहेरी संचालित राजमाता राजकुंवरबाई विद्यालय तथा कनिष्ठ महाविद्यालय, एटापल्ली येथे सेवाज्येष्ठता निकषानुसार श्री. प्रवीण बुराण यांची प्राचार्यपदी निवड करण्यात आली आहे. त्यांनी नुकताच पदभार स्वीकारला असून, यावेळी शिक्षक व शिक्षकेतर कर्मचाऱ्यांची उपस्थिती लाभली.
पदभार स्वीकारताना ज्येष्ठ प्राध्यापक प्रभू डोंगरवार सर, प्रा. धोंगडे सर, प्रा. दरवळे सर, श्री. मनोज सुखदेवे सर, श्री. जनार्दन कोठारे सर, धर्मराव विद्यालयाचे ज्येष्ठ बाबू श्री. दानव, तसेच सौ. वंदना उपगनलवार मॅडम आणि शांता सोमनकर उपस्थित होत्या.
प्रवीण बुराण सर हे तालुक्यातील सुप्रसिद्ध क्रीडा शिक्षक म्हणून ओळखले जातात. शैक्षणिक कार्याबरोबरच सामाजिक क्षेत्रातही त्यांचे उल्लेखनीय योगदान राहिले आहे. त्यांच्या निवडीमुळे शिक्षक व विद्यार्थ्यांमध्ये आनंदाचे वातावरण निर्माण झाले आहे.
त्यांच्या पुढील कार्यकाळासाठी अहेरी तालुक्यातील प्राचार्य, प्राध्यापक, शिक्षक, शिक्षकेतर कर्मचारी तसेच माजी विद्यार्थ्यांनी शुभेच्छांचा वर्षाव केला आहे. शुभेच्छा देणाऱ्यांमध्ये माजी प्राचार्य महंत सर, माजी प्राचार्य शेख सर, प्राचार्य भोंगळे सर, प्राचार्य सय्यद सर, प्राचार्य महेश वाढई सर, श्री. गिरीश दादा मदेर्लावार सर, श्री. उरेते सर, प्रा. श्याम बारसे, प्रा. विजय उरकुडे, प्रा. सुनील खंडाळे सर, श्री. आटीश सर, श्री. ठेंगरे सर, श्री. गोंगले सर, श्री. दिवसे बाबुजी, श्री. पेचे, श्री. डोर्लीकर, श्री. येरोजवार, श्री. कलकोटवार, श्री. जीवतोडे पाटील आदींचा समावेश आहे.
नवीन जबाबदारीतही प्रवीण बुराण सर यांचे कार्य विद्यार्थीकेंद्रित आणि यशस्वी ठरेल, असा विश्वास व्यक्त केला जात आहे.
