| चामोर्शी
चामोर्शी येथील ग्रामीण रुग्णालयात दि. ९ मे रोजी सकाळी १० ते दुपारी ३ वाजेपर्यंत भव्य दिव्यांग शिबिराचे आयोजन करण्यात आले आहे.
या शिबिरामध्ये दिव्यांग बांधवांची आरोग्य तपासणी, आवश्यक सहाय्य तसेच विविध योजनांबाबत मार्गदर्शन करण्यात येणार आहे. दिव्यांग व्यक्तींना आवश्यक वैद्यकीय सुविधा आणि माहिती एकाच ठिकाणी उपलब्ध करून देण्याचा उद्देश या उपक्रमामागे आहे.
सार्वजनिक आरोग्य विभागाच्या वतीने आयोजित करण्यात आलेल्या या शिबिराचा जास्तीत जास्त दिव्यांग बांधवांनी लाभ घ्यावा, असे आवाहन करण्यात आले आहे.
