एरंडोल | प्रतिनिधी
रा.ति. काबरे विद्यालय, एरंडोल येथील इयत्ता दहावीचा निकाल यंदा 81.10 टक्के लागला असून विद्यार्थ्यांनी उल्लेखनीय यश संपादन केले आहे. शाळेतील एकूण 254 विद्यार्थ्यांपैकी 206 विद्यार्थी उत्तीर्ण झाले आहेत.
यामध्ये कु. छायेश्वरी झगडू निकम हिने 92.80 टक्के गुण मिळवत प्रथम क्रमांक पटकावला. कु. समृद्धी ज्ञानेश्वर पाटील हिने 91.20 टक्के गुणांसह द्वितीय क्रमांक मिळविला, तर कु. पूर्वी हेमंत धामणे हिने 90 टक्के गुण मिळवत तृतीय क्रमांक प्राप्त केला.
विद्यार्थ्यांच्या या यशाबद्दल संस्थेचे अध्यक्ष श्री. शरदचंद्रजी काबरे, सचिव श्री. राजूभाऊ मणियार, सहसचिव श्री. धिरजभाऊ काबरे, शाळेचे चेअरमन श्री. अनिलभाऊ बिर्ला, संस्थेचे सदस्य श्री. सतीशभाऊ परदेशी तसेच शाळेचे मुख्याध्यापक श्री. एस. एस. राठी सर, उपमुख्याध्यापक पी. एच. नेटके सर, पर्यवेक्षक पी. एस. नारखेडे सर आणि सर्व शिक्षक व शिक्षकेतर कर्मचारी वृंद यांनी विद्यार्थ्यांचे अभिनंदन करून पुढील वाटचालीस शुभेच्छा दिल्या.
