दरेगाव | प्रतिनिधी
दरेगाव येथे दि. ७ मे रोजी रात्री ९ वाजता आदरणीय दीपक भाऊ मांटे यांची समाजकल्याण विभागाच्या असिस्टंट कमिशनरपदी निवड झाल्याबद्दल आनंदोत्सव साजरा करण्यात आला. यानिमित्ताने गावात संगीत भजनाचा बहारदार कार्यक्रम आयोजित करण्यात आला होता.
या कार्यक्रमात विविध कलाकारांनी आपल्या गायन व वादन कलेने उपस्थित प्रेक्षकांची मने जिंकली. कार्यक्रमाची सुरुवात “खंदे वीर तुम्ही शिवबाचे, करू उज्वल नामा या देशाचे” या प्रेरणादायी गीताने करण्यात आली.
त्यानंतर “उड जायेंगे एक दिन पंछी रहेगा पिंजरा खाली” या कव्वालीने उपस्थितांना मंत्रमुग्ध केले. तसेच अॅड. जाधव साहेब यांच्या “ब्रेक मारू का” या गाण्याने कार्यक्रमात उत्साहाची लाट उसळली.
कार्यक्रमात डॉ. बाबासाहेब आंबेडकर आणि छत्रपती शिवाजी महाराज यांच्या जीवनावर आधारित गीतांचेही सादरीकरण करण्यात आले. “एकच राजा येथे जन्मला शिवनेरी किल्ल्यावर” तसेच “एकत्र रायगडावर, चवदार तळ्यावर” या गीतांनी वातावरण भारावून गेले.
या कार्यक्रमात अॅड. जाधव साहेब, हनुमान ठोसरे, बँजो वादक वायाळ, संभाजी बंगाली, नाल वादक भारत साबळे, पेटी मास्तर शेषराव साबळे, मुरलीधर पाटील, गायनाचार्य शाहीर अशोक बंगाळे, केशव बंगाळे, प्रा. रवी चाटे सर, नितीन साबळे आदी कलाकारांनी सहभाग घेतला.
कार्यक्रमाचे आभार प्रदर्शन शेर का पठाण यांनी केले. संपूर्ण कार्यक्रम उत्साहपूर्ण वातावरणात पार पडला.
