मानवत | प्रतिनिधी
मानवत शहरातील प्रसिद्ध शकुंतला विद्यालय, मानवत येथील विद्यार्थिनी गौरी गोविंद पौळ हिने नुकत्याच जाहीर झालेल्या दहावीच्या परीक्षेच्या निकालात ९४ टक्के गुण मिळवत उल्लेखनीय यश संपादन केले आहे.
गौरीच्या या शानदार यशामुळे कुटुंबासह शाळा आणि परिसरात आनंदाचे वातावरण निर्माण झाले असून सर्व स्तरांतून तिच्यावर अभिनंदनाचा वर्षाव होत आहे. तिच्या मेहनतीला, चिकाटीला तसेच पालक व शिक्षकांच्या योग्य मार्गदर्शनाला या यशाचे श्रेय दिले जात आहे.
गौरी हिचे वडील गोविंद पौळ यांनी मुलीच्या यशाबद्दल आनंद व्यक्त करत तिच्या पुढील शैक्षणिक वाटचालीस शुभेच्छा दिल्या. तसेच शाळेचे शिक्षक घनाटे सर, खंदारे सर, पवार सर आणि पातेकर मॅडम यांनीही गौरीचे अभिनंदन करून पुढील शिक्षणासाठी शुभेच्छा दिल्या आहेत.
गौरीच्या या यशामुळे मानवत परिसरातील विद्यार्थ्यांना नवी प्रेरणा मिळाली असून तिच्या उज्ज्वल भविष्यासाठी शुभेच्छा व्यक्त केल्या जात आहेत.
