पातूर | प्रतिनिधी
पातूर तालुक्यातील चान्नी पोलीस स्टेशन हद्दीतील सावरगाव येथे अल्पवयीन मुलीवर झालेल्या अमानुष अत्याचाराच्या घटनेनंतर वंचित बहुजन आघाडीच्या पदाधिकारी आणि कार्यकर्त्यांनी पीडित मुलगी व तिच्या कुटुंबीयांची भेट घेत त्यांना धीर दिला.
या वेळी वंचित बहुजन आघाडीच्या प्रतिनिधींनी पीडित कुटुंबाच्या पाठीशी ठामपणे उभे राहण्याची भूमिका घेत, संबंधित मुलीला न्याय मिळेपर्यंत पक्ष संघर्ष करत राहील, अशी ग्वाही दिली.
या भेटीदरम्यान अकोला जिल्हा महिला आघाडीच्या माजी अध्यक्षा प्रभाताई शिरसाट, माजी जिल्हा परिषद अध्यक्षा संगीताताई अढाऊ, मायाताई इंगळे, मंदाताई शिरसाट, पातूर तालुक्याचे माजी तालुका अध्यक्ष विक्रमसिंग जाधव, महिला आघाडीच्या तालुका अध्यक्षा अर्चनाताई डाबेराव, माजी उपसभापती इमरान खान, मुमताज खान, तालुका महासचिव मंगेश गोळे, कोषाध्यक्ष राजीव भाई, राणा भाऊ डाबेराव, दिलीप ताजने, अमित ताजने, निलेश करवते आदी उपस्थित होते.
तसेच बाळापूर पंचायत समितीच्या माजी सभापती रूपालीताई गवई, मीनाक्षीताई शेळके, सरलाताई मेश्राम, उमाताई अंभोरे, वर्षाताई अंभोरे, सुरेखाताई डाखोरे, उमेश गवई, भास्कर अंभोरे यांच्यासह अन्य कार्यकर्त्यांनीही उपस्थित राहून पीडित कुटुंबाला आधार दिला.
या घटनेमुळे परिसरात संतापाचे वातावरण निर्माण झाले असून दोषींवर कठोर कारवाई करण्याची मागणी सर्व स्तरांतून होत आहे.
