भोसे (प्रतिनिधी) :
मार्च २०२६ मध्ये घेण्यात आलेल्या एसएससी बोर्ड परीक्षेचा निकाल जाहीर झाला असून खेड भोसे विद्यालय, खेड भोसे यांनी शंभर टक्के निकालाची परंपरा कायम राखत उल्लेखनीय यश संपादन केले आहे. यंदाच्या निकालात विद्यार्थिनींनी विशेष बाजी मारत शाळेचा गौरव वाढविला.
यामध्ये कु. श्रावणी प्रवीण पाटील हिने 90.60 टक्के गुण मिळवत प्रथम क्रमांक पटकाविला. गजानन पोपट पवार याने 87.80 टक्के गुणांसह द्वितीय क्रमांक मिळवला, तर कु. सुप्रिया नानासाहेब जमदाडे हिने 87.20 टक्के गुण मिळवत तृतीय क्रमांक पटकाविला.
विद्यार्थ्यांच्या या यशाबद्दल शाळेचे संस्थापक, मुख्याध्यापक, शिक्षक व शिक्षकेतर कर्मचारी यांचे सर्व स्तरातून कौतुक होत आहे. विद्यार्थ्यांनीही आपल्या यशाचे श्रेय पालक, शिक्षकांचे मार्गदर्शन आणि सातत्यपूर्ण मेहनतीला दिले आहे.
शाळेच्या शंभर टक्के निकालामुळे परिसरात आनंदाचे वातावरण निर्माण झाले असून यशस्वी विद्यार्थ्यांवर अभिनंदनाचा वर्षाव होत आहे.
