प्रतिनिधी :
हिंगणी येथील यशवंत विद्यालय मध्ये घेण्यात आलेल्या एस.एस.सी. परीक्षा फेब्रुवारी-मार्च २०२५-२०२६ सत्राचा निकाल ८२.१४ टक्के लागला असून विद्यार्थ्यांनी उल्लेखनीय यश संपादन केले आहे.
शाळेतून कु. मेहेक जितेंद्र कमडी हिने ५०० पैकी ३६९ गुण मिळवत ७३.८० टक्के गुणांसह प्रथम क्रमांक पटकाविला. तर कु. रितिका संजय दुर्गे हिने ५०० पैकी ३६८ गुण मिळवत ७३.६० टक्के गुणांसह द्वितीय क्रमांक प्राप्त केला. तसेच मेहुल सुरेश सातघरे याने ५०० पैकी ३६७ गुण मिळवत ७३.४० टक्के गुणांसह तृतीय क्रमांक मिळविला.
विद्यार्थ्यांच्या या यशाबद्दल संस्थेचे अध्यक्ष मा. समीर भाऊ देशमुख, जनरल सेक्रेटरी डॉ. किशोरराव अहेरे, मुख्याध्यापक श्री. नंदकिशोर ठाकरे तसेच शाळेतील सर्व शिक्षक, शिक्षकेत्तर कर्मचारी आणि गावातील मान्यवरांनी अभिनंदन केले.
यशस्वी विद्यार्थ्यांना पुढील शैक्षणिक वाटचालीसाठी शुभेच्छा देण्यात आल्या असून शाळेच्या निकालामुळे परिसरात आनंदाचे वातावरण निर्माण झाले आहे.
