मारेगाव प्रतिनिधी :
मारेगाव तालुक्यातील कोलगाव येथे एका गरीब मजूर कुटुंबातील १७ वर्षीय मुलगी घरातून बेपत्ता झाल्याची घटना समोर आली आहे. संबंधित मुलीला फूस लावून पळवून नेल्याचा आरोप करण्यात आला असून याप्रकरणी मारेगाव पोलिस ठाण्यात गुन्हा दाखल करण्यात आला आहे.
प्राप्त माहितीनुसार, संबंधित मुलगी मारेगाव येथील कला वाणिज्य महाविद्यालयात शिक्षण घेत होती व नुकतीच बारावीची परीक्षा उत्तीर्ण झाली होती. रात्री उशिरा ती घरातून निघून गेल्याचे कुटुंबीयांच्या निदर्शनास आले. प्राथमिक तपासात प्रेमसंबंधातून ही घटना घडल्याचा संशय व्यक्त करण्यात येत आहे.
फिर्यादीच्या तक्रारीवरून आरोपीविरुद्ध गुन्हा नोंदविण्यात आला असून पुढील तपास मारेगावचे सहाय्यक पोलिस निरीक्षक प्रवीण सुळे यांच्या मार्गदर्शनाखाली सुरू आहे.
या घटनेमुळे परिसरात खळबळ उडाली असून पोलिसांकडून मुलीचा शोध घेण्याचे प्रयत्न सुरू आहेत.
