मानवत | प्रतिनिधी
मानवत तालुक्यातील मौजे सावळी येथील भारिप बहुजन महासंघाचे शाखा उपाध्यक्ष माणिकराव सटवाजी वाव्हळे यांचे ८ मे रोजी वयाच्या ५७ व्या वर्षी हृदयविकाराच्या तीव्र झटक्याने दुःखद निधन झाले.
त्यांच्या पार्थिवावर सावळी येथील सार्वजनिक वैकुंठधाम स्मशानभूमीत बौद्ध पद्धतीने अंत्यसंस्कार करण्यात आले. त्यांच्या पश्चात दोन मुले, मुली, नातवंडे, जावई असा मोठा परिवार आहे.
माणिकराव वाव्हळे यांच्या आकस्मिक निधनामुळे सावळी परिसरात हळहळ व्यक्त होत असून सर्वत्र शोककळा पसरली आहे.
